العشق, سيف

كيف أطفـي الريـح بثيـابك وكيف أشعـلك
كيف أتنثـر عـلى جمـرك وكيف أحتـويـك


نقضـت ليـل الحريـر وجيت منت لـ هـلك
سميـت باللي فـتني بك وقلت أفـتدـيك


هـذا أول الدرب أو هـذا الطريـق أولـك
جيت أتوقـى عذابـات المـدى واهتديـك


شوقي مسافة وهمسـاتك مـدار وفـلـَك
إن ما ظـميتك غـلا .. ياعـلّني ما ارتويـك


إيه اعرفك واعرف إني من غـلاك أجهـلك
مرّات أضمـك و أخـاف إني مشبّـه عليـك


مـرّات أشوفـك بنفس الوقـت واتخيـلك
وانشد كفـوفي عن آخر سالفه من يديـك


أعنّ لك لو تـصـب المـوت واتهيّـلك
واجوع لك و اتمنـى خنجرك واشتهيـك


ما قلت لك عمـر سيـف العشـق ما يقتـلك
ما تشوفني حـيّ قدامك وانا امـوت فيـك


إشتقـت لك قبل أجيك وجيت واشتقـت لك
البارحـه طـول ليلـي بيـن هـذي وذيـك


ملّيت جمر انتظـارك واستحيـت اسـألك
واحسبنـي مابعد جيتك وفكّـرت أجيـك


أثرك بقلبـي من البـارح وانا استعجـلك
وأثري نسيتك من الفرحه وقمت أحتريـك

__________________
يــا قـلــب سامـحـنـي عـلــى كـــل زلـــة

أخطيت في حقـــــــــك كثير وتماديـت

عـلـمـتــك أدروب الـــهـــوى والــمــذلــة

عليك يا قلــــبي قســـــــــيـت وتجنيـت



sdt hguar